தமிழ் சின்னத்திரையில் ஒளிபரப்பாகிய பாரதி கண்ணம்மா என்ற தொலைக்காட்சி தொடரின் மூலம் திரையுலகிற்கு அறிமுகமானவர் ரோஷினி ஹரிப்பிரியன். 

இந்தத்தொடரின் மூலம் இல்லதரசிகளின் இதயம் வருடிய செல்ல கண்ணம்மாவாகவே வாழ்ந்தவர் இவர். ரோஷினி திரையுலகிற்கு வருவதற்கு முன்பு மாடலாகவும் பணியாற்றியுள்ளார். தற்போது இவர், பெரியத்திரை நாயகியாக வலம் வருகிறார். 

கடந்த ஆண்டு துரை செந்தில் குமார் இயக்கிய கருடன் திரைப்படத்தின் மூலம் பெரியதிரையில் அறிமுகமானார். அதைத் தொடர்ந்து சமீபத்தில் வெளியான மெட்ராஸ் மேட்டினி திரைப்படத்தில் நடித்துள்ளார். ரோஷினி தனது ஃபிட்னெஸ் ரகசியத்தை பகிர்ந்து கொள்கிறார்.

ஒர்க்கவுட்ஸ்: உடற்பயிற்சி என்பது எவ்வளவு முக்கியமானது என்பதை இப்போதுதான் உணர்கிறேன். நான் மாடலிங் துறையில் வந்ததில் இருந்தே உடற்பயிற்சிகள் தொடங்கிவிட்டேன்.

நடிகையான பிறகு, ஒரு ஜிம் போய் முறையாக பயிற்சி எடுத்துக் கொள்ள வேண்டும் என்று நினைத்தேன். இதற்காக ஜிம்கள் பலவற்றை தேடித் தேடி எடுத்து அங்கு பயிற்சியை தொடங்குவேன். ஒரு மாசம் போவேன். பின்னர், ஏதோ காரணத்தினால் விட்டுவிடுவேன்.