மருத்துவ நிபுணர்களை சில ஆண்டுகளுக்கு முன்பு அவ்வளவு சுலபத்தில் சந்தித்துவிட முடியாது. ஆனால் இன்று இந்தச் சூழல் மாறியிருக்கிறது. மருத்துவர்களை எளிதில் சந்தித்து ஆலோசனைகளை பெறும் காலக்கட்டத்தில் நாம் இப்போது இருக்கிறோம். 

ஆனால், எத்தனை மருத்துவர்களைச் சந்தித்தாலும், நம்முடைய குடும்பத்திற்கென, நம்முடைய குடும்பத்திலுள்ள ஒவ்வொருத்தருடைய உடல்நலம், ஆரோக்கியம் குறித்து முழுமையாக தெரிந்து வைத்திருக்கும் குடும்ப மருத்துவரின் இடத்தை மற்றவர்களால் அவ்வளவு எளிதாக நிரப்பிவிட முடியாது.

உங்களுடைய உடல் நலம் சரியில்லாத போது, உடனடி சிகிச்சைக்காக துணை நிற்கும் குடும்ப மருத்துவர் ஒரு சாதாரணமான நபர் அல்ல. உங்களுடைய இளம் வயதிலிருந்து, நீங்கள் வாழ்க்கையின் முக்கிய கட்டத்தில் இருக்கும் இத்தருணம் வரையில், பல ஆண்டுகளாக உங்கள் உடல்நலனுக்கு கைக்கொடுத்திருக்கும் மருத்துவ நண்பராக இருக்கிறார் என்பது புரியும். 

உங்களுக்கும் குடும்ப மருத்துவருக்கும் இடையில் நீடித்து வரும் பல ஆண்டுகால உறவினால், உங்களுடைய உடல்நலன், பிரச்சினைகள் குறித்து அவருக்கு ஒரு முழுமையான புரிதல்

தொடர்ந்து மருத்துவப் பராமரிப்பை மேற்கொள்ள வேண்டிய கட்டாய சூழ்நிலையில் நீங்கள் இருக்கும் போது, நமக்கென ஒரு குடும்ப மருத்துவர்  இருக்கவேண்டியது மிக மிக அவசியம்.  உதாரணமாக நீரிழிவு நோய் அல்லது உயர் இரத்த அழுத்த பிரச்சினை இருப்பதாக வைத்து  கொள்ளுவோம்.  

இப்பிரச்சினைகள் வெளிப்படையாக தெரியும் அறிகுறிகள் எதுவும் இல்லாமல் மெல்ல மெல்ல தீவிரமான சிக்கல்களை உருவாக்கக்கூடும். இதனால், தொடர்ந்து நீண்ட காலம் சிகிச்சையளிக்கும் குடும்ப மருத்துவர் மூலம் வழக்கமாக மேற்கொள்ளும் மருத்துவ பராமரிப்பு, படிப்படியாக அவசியமான மருந்துகளை மாற்றுவது போன்றவை நம்முடைய உயிரைக் காக்கும்.

அறிகுறிகளுக்குப் பின்னால் இருக்கும் உண்மையான காரணங்களை புரிந்து கொள்ளும் குடும்ப மருத்துவர்:

தொடர்ந்து நடைபெற்ற சந்திப்புகள், அவருடனான உரையாடல்கள் மூலம், குடும்ப  சுமைகளைச் சமாளிக்க போராடிக் கொண்டிருந்ததும், குடும்பத்தில் உள்ளவர்களைக் கவனித்து கொள்வதில் முழுமையாக மூழ்கி இருந்ததும் தெரிய வந்தது. 

இந்த மூலக்காரணங்களின் அடிப்படையில், மருத்துவ ஆலோசனைகள், கவுன்சிலிங், மன அழுத்தத்தை சமாளிக்க உதவும் வழிமுறைகள் மூலம் அவரது வலிகளுக்கு தீர்வு காண முடிந்தது. இதன் மூலம் அவருக்கு இருந்த உடல் நல பிரச்சினைகள் குறைந்து நல்ல முன்னேற்றம் ஏற்பட்டது.

இன்றைய மருத்துவ சந்தையில், நீங்களாகவே உங்களுக்கு என்ன நோய் அல்லது பிரச்சினை என்பது இணையத்தில் தேடிப்பார்த்து, நேரடியாகவே மருத்துவர்களை சந்திக்க விரும்புவது சாதாரணமாகி வருகிறது. நோயாளிகளின் உரிமைகளைப் பாதுகாப்பது முக்கியம் தான். 

ஆனால்  இந்த அணுகுமுறை அதிக செலவு உள்ளதாகவும், தேவையற்ற பாதைகளிலும் அழைத்துச் செல்லக்கூடும். எடுத்துக்காட்டாக, நீண்ட நாட்களாக உள்ள இருமல் இருந்தால், நாம் உடனே சுவாச நுரையீரல் மருத்துவ நிபுணரிடம் செல்லலாம் என்று தோன்றலாம். ஆனால் உண்மையான காரணம் சாதாரண ஆசிட் ரீப்ளக்ஸ் ஆக கூட இருக்கலாம், எளிய வாழ்க்கைமுறை மாற்றங்கள் மற்றும் சில மருந்துகள் மூலமாகவே இதற்கான தீர்வு சாத்தியமாக இருக்கலாம்.

மிகவும் முக்கியமான அம்சம் என்னவென்றால், ஒரு குடும்ப மருத்துவருக்கும் நோயாளிக்கும் இடையே உருவாகும் உறவு பல ஆண்டுகள், பல தலைமுறைகள் வரை ஆழமான ஒன்றாக தொடரக்கூடும். 

இதனால் பல நோயாளிகள் தங்களுடைய குழந்தைகள், வாழ்க்கைத் துணை, தந்தை-தாய் என எல்லோரையும் அதே மருத்துவரிடம் அழைத்துச் செல்லும் அளவுக்கு அந்த உறவு நம்பிக்கையான ஒன்றாக மாறிவிடும்.  இது ஒட்டுமொத்த குடும்பத்திற்குமான மருத்துவ பராமரிப்பை,  பரிச்சயமும் பாதுகாப்பும் நிறைந்த சூழலில் வழங்கும் ஒரு அற்புதமான தளமாக மாற்றிவிடுகிறது என்பதை நீங்கள் நேரடியாகவே பார்த்து இருக்கலாம்.