ஒரு சின்ன சோர்வு, சிறிது களைப்பு, இரவில் தூக்கம் சீராக இல்லாமை, வயிற்றில் அடர்த்தி  இவை அனைத்தும் ஏதோ ஒன்று சரியாக இல்லை என்பதற்கான எச்சரிக்கைகள் என்பதை நம் வாழ்க்கையின் வேகத்தில் நாம் அடிக்கடி மறந்துவிடுகிறோம். 

ஆனால் உண்மையில் நோய்கள் எதுவும் திடீரென்று வருகின்றனவல்ல. ஒவ்வொன்றும் மெதுவாகவே உருவாகின்றன. ஆரம்ப கட்டத்தில் சிறிய சின்னங்களாகவே தோன்றும் இந்த அறிகுறிகளை நாம் உணர்ந்துவிட்டால், பெரும் சிக்கல்களைத் தவிர்க்க முடியும்.

இது போன்ற முன்னறிதல் என்பது ஒருவேளை நமக்குப் பழக்கமாக இருந்திருந்தால், இன்று உலகம் முழுக்க பரவிவரும் நீரிழிவு, உயர் இரத்த அழுத்தம், இருதய நோய்கள், புற்றுநோய் போன்றவை இத்தனை பெரிய அளவில் தாக்கம்வைக்கக் கூடாது. உதாரணமாக, அதிக சோர்வு, பசிக்குறைவு, தூக்கமின்மை போன்றவை நீரிழிவின் ஆரம்ப அறிகுறிகள். 

சுவாசக் குறைபாடு, சிரமமான நடை, மார்பு வலி, இடது கைச் சோர்வு இவை அனைத்தும் மாரடைப்பிற்கான முதல் எச்சரிக்கைகள். ஆனால் அவற்றை நாம் ‘தினசரி வாழ்க்கைச்சிக்கல்கள்’ என்றே எடுத்துக்கொள்கிறோம். அந்த சின்னத்திலிருந்து பெரிய விபத்துக்கு நாம் செல்லும்போது, உண்மையை உணரும்போது பெரும்பாலும் தாமதமாகிவிடுகிறது.

இப்போது அதற்கும் மேலாக நாம் கவனிக்க வேண்டியது நம் உடலின் வெளிப்பாடுகள். சிறுநீர் வண்ணம், தோல் நிறம், நகங்களின் வடிவம், வாயின் வாசனை, நாக்கின் தோற்றம் இவை அனைத்தும் நம்மிடம் உடல் நலம் குறித்த தகவல்களைப் பகிரும் வழிகள். சிறுநீர் அடர்த்தியாகவும், மஞ்சளாகவும் இருந்தால் நீரிழிவு அல்லது உடல் நீரிழைவினைக் குறிக்கலாம். நாக்கு பச்சையாக இருந்தால் கல்லீரல் சிக்கல் இருக்கலாம். 

நகங்கள் இளமை இழந்தது போல் குப்புறமாக மாறினால், அது இரத்த சுழற்சி கோளாறுகளுக்கு காரணமாக இருக்கலாம். காலை எழுந்ததும் கடுமையான சோர்வு இருந்தால், அது இரவின் தூக்க நலமின்மை மட்டும் அல்ல, சில சமயம் தசைகளின் சோர்வு, இருதய பலவீனம் அல்லது ஹார்மோன் குறைபாடுகளுக்கும் காரணமாக இருக்கலாம்.

  AI எனும் கணினி நுண்ணறிவு, இன்று உலகம் முழுவதும் மருத்துவத்தில் ஒரு முன்னேற்ற ஆயுதமாக பயன்பட்டு வருகிறது. அது நோய்களை தோன்றும் முன் கூட கண்டு பிடிக்கக் கூடிய திறனை வளர்த்துள்ளது. 

ஏன், நம்மில் பலரின் அன்றாட வாழ்வில் நாம் அணியும் ஸ்மார்ட் வாட்ச்கள், ஹெல்த் பேண்ட்கள் எல்லாம் AI தொழில்நுட்பத்துடன் இயங்குபவையே. அதன்மூலம் நமது இதயத் துடிப்பு, தூக்க அளவு, பயிற்சியின் தாக்கம், சுவாசதிறன், உடல் வெப்பம் போன்றவை தொடர்ச்சியாக கண்காணிக்கப்படுகின்றன.

 இந்த தகவல்களை AI அலசும் பொழுது, ஒருவேளை இதய துடிப்பில் ஒரு சீரற்ற நிலை தொடரும்போது, அது “இது மரபணு ரீதியான மாரடைப்புக்கான முன்னோட்டம்” என்று கருதி உடனே எச்சரிக்கையை தரும். 

அதற்கு மேல், இன்று சில AI கருவிகள், நமது கண்களைக் காண்பித்துப் படங்கள் எடுத்து இரத்தத்தில் உள்ள பசையூட்டிகளின் அளவை கணக்கிடும் தொழில்நுட்பமும் உருவாக்கப்பட்டுள்ளன. இதன்மூலம் மிகவும் ஆரம்ப கட்ட நோய்கள், மனிதக்கண்களால் தெரிந்து கொள்ள முடியாத அளவிற்கு சிறிய கட்டிகள், அழற்சி நிலையைக் கூட கண்டறிவது சாத்தியமாகிறது.

அதனால்தான் இன்று மருத்துவர்கள் சொல்லும் ஒரு முக்கியமான வாசகம் “Prevention is better than cure” என்பதையே AI நவீன வடிவத்தில் மீண்டும் நிரூபிக்கிறது.முடிவில் சொல்லவேண்டியது  நம் உடலின் ஒவ்வொரு அசைவும் எதற்கும் காரணம்தான். 

அது நம்மிடம் பேசும் மொழியை நம்மால் மட்டும் வாசிக்க முடியவில்லை என்றால், AI போன்ற நவீன தொழில்நுட்பங்களை துணையாக வைத்துக்கொண்டு, நம்மை நாமே காத்துக்கொள்ளலாம். அறிவும், அனுபவமும் இணையும் இடம்தான் எதிர்கால மருத்துவம். அதில் நாமும் ஒரு பங்கு வகிக்க நாம் தயாராக இருக்கவேண்டும். நம் உடலை நாமே நேசித்தால், அது நம்மை எப்போதும் பாதுகாக்கும்.