தொழில்சார் பிசியோதெரப்பி!
வலியை வெல்வோம்
கடந்த இதழில் தொழில்சார் பிசியோதெரப்பி பற்றி பார்த்தோம். அதன் தொடர்சியாக இந்த இதழிலும் அதைப் பற்றி விரிவாகப் பார்ப்போம்.
பிசியோதெரபிஸ்ட்கள் உடல் இயக்கவியல், தசைகள் மற்றும் மூட்டுகளின் செயல்பாட்டை மதிப்பீடு செய்து, பின்வரும் வழிகளில் உதவுகின்றனர்:
1. மதிப்பீடு மற்றும் ஆலோசனை (Assessment and Consultation)பணியிட மதிப்பீடு (Workplace Assessment)
பிசியோதெரபிஸ்ட்கள் பணியிடத்தில் உள்ள மேசை, நாற்காலி, மற்றும் உபகரணங்களை மதிப்பீடு செய்து, எர்கோனாமிக் குறைபாடுகளைக் கண்டறிகின்றனர்.
எடுத்துக்காட்டு: மானிட்டர் உயரம், நாற்காலி ஆதரவு, அல்லது தோரணை ஆகியவற்றை சரிசெய்ய பரிந்துரைகள்.
உடல் மதிப்பீடு (Physical Assessment)
தசை பலவீனம், இறுக்கம், அல்லது மூட்டு இயக்கக் குறைபாடுகளை மதிப்பீடு செய்து, தனிப்பயனாக்கப்பட்ட சிகிச்சை திட்டத்தை உருவாக்குதல்.
2. தோரணை மற்றும் இயக்கவியல் பயிற்சி (Posture and Movement Training) தோரணை மேம்பாடு (Postural Correction) சரியான உட்காரும், நிற்கும் மற்றும் நடைமுறை தோரணைகளை கற்பித்தல்.
எடுத்துக்காட்டு: முதுகு நேராக இருக்க, தோள்கள் தளர்ந்து, மற்றும் முழங்கைகள் ஆதரவாக இருக்க பயிற்சி.
இயக்கவியல் ஆலோசனை (Body Mechanics)
பொருட்களை தூக்குதல், வளைதல், அல்லது திருப்புதல் போன்ற இயக்கங்களை சரியாக செய்ய கற்பித்தல்.
3. பயிற்சிகள் மற்றும் மறுவாழ்வு (Exercises and Rehabilitation)வலுப்படுத்தும் பயிற்சிகள் (Strengthening Exercises)
மைய தசைகள் (core muscles), கழுத்து, மற்றும் தோள்பட்டை தசைகளை வலுப்படுத்துவது முதுகெலும்பு மற்றும் மூட்டுக்களை மேம்படுத்துகிறது.
எடுத்துக்காட்டு:
பிளாங்க் (plank), பெல்விக் பிரிட்டிங் (pelvic bridding), மற்றும் தோள்பட்டை ஸ்டேபிலைசேஷன் பயிற்சிகள்.
நீட்சி பயிற்சிகள் (Stretching Exercises)
இறுக்கமான தசைகளை (எ.கா., ஹாம்ஸ்ட்ரிங்ஸ், பிரிஃபார்மிஸ், கழுத்து தசைகள்) தளர்த்தி, இயக்கத்தை மேம்படுத்துதல்.
நரம்பு இயக்கவியல் பயிற்சிகள் (Neurodynamic Exercises)
சயாட்டிக் நரம்பு அல்லது பிற நரம்பு அழுத்தங்களை குறைக்க நரம்பு நகர்வு (nerve flossing) பயிற்சிகள்.
4. வலி மேலாண்மை (Pain Management)
மென்மையான திசு மசாஜ் (Soft Tissue Mobilization)
*இறுக்கமான தசைகளை தளர்த்தி, இரத்த ஓட்டத்தை மேம்படுத்துதல்.
*மூட்டு இயக்குதல் (Joint Mobilization):
*முதுகெலும்பு அல்லது இடுப்பு மூட்டுகளில் இயக்கத்தை மேம்படுத்துதல்.
*TENS (Transcutaneous Electrical Nerve Stimulation):
*மின்சார தூண்டுதல் மூலம் வலியைக் குறைத்தல்.
*குளிர்/வெப்ப சிகிச்சை (Cold/Heat Therapy):
*அழற்சி மற்றும் தசைப்பிடிப்பைக் குறைக்க உதவுதல்.
எர்கோனாமிக்ஸ் என்று இந்தக் கட்டுரையில் நிறைய இடங்களில் படித்து விட்டோமே அப்படி என்றால் என்ன என்ற ஒரு சந்தேகம் உங்களுக்கு தோன்றலாம்.எர்கோனாமிக்ஸ் என்பது கிரேக்க வார்த்தைகளான “எர்கோ” (வேலை) மற்றும் “நோமோஸ்” (இயற்கை விதிகள்) என்ற வார்த்தைகளால் உருவானது. இது மனிதர்களின் உடல் இயக்கவியல் (biomechanics), உடற்கூறியல் (anatomy), மற்றும் உளவியல் (psychology) ஆகியவற்றை அடிப்படையாகக் கொண்டு, பணியிடத்தை மனிதர்களுக்கு ஏற்றவாறு வடிவமைப்பதை உள்ளடக்கியது.
இதன் நோக்கங்கள்
*உடல் பாதிப்புகளைத் தடுத்தல்: மீண்டும் மீண்டும் ஏற்படும் தசைப்பிடிப்பு காயங்கள் (Repetitive Strain Injuries - RSI), முதுகுவலி, மற்றும் மூட்டு பிரச்சனைகளைத்
தவிர்ப்பது.
*பணித் திறனை மேம்படுத்துதல்: வசதியான பணிச்சூழல் மூலம் உற்பத்தித்திறனை அதிகரிப்பது.
*ஆரோக்கியத்தை மேம்படுத்துதல்: நீண்டகால உடல் மற்றும் மன ஆரோக்கியத்தை உறுதி செய்தல்.
*எர்கோனாமிக்ஸின் முக்கிய கோட்பாடுகள்:
( Principles of Ergonomics)
1.நடுநிலை தோரணை (Neutral Posture)
உடல் இயற்கையான, நடுநிலையான நிலையில் இருக்க வேண்டும், இதனால் தசைகள் மற்றும் மூட்டுகளில் அழுத்தம் குறைகிறது.எடுத்துக்காட்டு: முதுகு நேராக, தோள்கள் தளர்ந்து, முழங்கைகள் 90 டிகிரி கோணத்தில் இருக்க வேண்டும்.
2.பணியிட வடிவமைப்பு (Workstation Design)
மேசை, நாற்காலி, கணினி மானிட்டர், மற்றும் விசைப்பலகை ஆகியவை உடலின் இயற்கையான அமைப்புக்கு ஏற்ப இருக்க வேண்டும்.
எடுத்துக்காட்டு: மானிட்டர் கண் மட்டத்தில், முழங்கைகள் மேசையில் ஆதரவாக இருக்க வேண்டும்.
3. இயக்கங்களின் மாறுபாடு (Movement Variation)
நீண்ட நேரம் ஒரே நிலையில் இருப்பதைத் தவிர்க்க, அவ்வப்போது இயக்கங்கள் அல்லது நீட்சி பயிற்சிகள் செய்யப்பட வேண்டும்.
4.பணி அளவு மற்றும் இடைவேளைகள் (Workload and Breaks)
மீண்டும் மீண்டும் செய்யப்படும் பணிகளை (repetitive tasks) கவனமாக நிர்வகித்து, வழக்கமான இடைவேளைகளை எடுக்க வேண்டும்.
5.உபகரணங்களின் பயன்பாடு (Use of Equipment)
எர்கோனாமிக் நாற்காலிகள், மேசைகள், மற்றும் உபகரணங்கள் உடல் அழுத்தத்தைக் குறைக்க உதவுகின்றன.
ஒருவேளை, மேலே குறிப்பிட்ட கோட்பாடுகளின் படி பணியிடமோ, பணிச்சூழலோ இல்லையென்றால் உடல்நிலையில் என்னென்ன
உபாதைகள் ஏற்படும்?!
அலுவலக பணியிடங்கள் (Office Workplaces):
கணினி பயன்பாட்டாளர்களுக்கு, மானிட்டர் உயரம், விசைப்பலகை நிலை மற்றும் நாற்காலி ஆதரவு ஆகியவை முக்கியம்.இல்லையெனில், மோசமான தோரணை காரணமாக கழுத்து வலி, முதுகுவலி, மற்றும் கார்பல் டன்னல் சிண்ட்ரோம் (carpal tunnel syndrome) ஏற்படலாம்.
தொழிற்சாலைகள் மற்றும் உற்பத்தி (Industrial and Manufacturing):
கனரக பொருட்களை தூக்குதல், மீண்டும் மீண்டும் செய்யப்படும் இயக்கங்கள், மற்றும் நீண்ட நேரம் நிற்கும் பணிகள் ஆகியவை உடல் பாதிப்புகளை ஏற்படுத்தலாம்.
வாகன இயக்கம் (Transportation)
வாகன ஓட்டிகளுக்கு இருக்கை வடிவமைப்பு, ஸ்டீயரிங்கட்டுப்பாடு மற்றும் கால்களின் நிலை முக்கியம்.
நீண்ட நேரம் உட்கார்ந்திருத்தல் முதுகுவலி மற்றும் சயாட்டிகாவை ஏற்படுத்தலாம்.
வீட்டு சூழல் (Home Environment)
வீட்டு வேலைகள், தோட்ட வேலை, அல்லது குழந்தைகளை தூக்குதல் ஆகியவை உடல் அழுத்தத்தை
ஏற்படுத்தலாம்.
மருத்துவத் துறை (Healthcare)
மருத்துவத்துறையில் உள்ளவர்கள் எப்போதும் ஆரோக்கியமாக உள்ளதாகவே பெரும்பாலும் நினைத்து கொள்வார்கள், மருத்துவத்துறையில் உள்ளவர்கள் கை வலி , கால் வலி என்றால் உடனே உங்களுக்கே இப்படின்னா நாங்கெல்லாம் எங்க போறது என்றொரு விமர்சனம் வரும்.ஆனால் எங்களுக்கும் பணி நிமித்தமாக உடல் உபாதைகள் உண்டு.
மருத்துவர்கள், செவிலியர்கள், மற்றும் பிசியோதெரபிஸ்ட்கள் நோயாளிகளை தூக்குதல் அல்லது நீண்ட நேர நிற்கும் பணிகளால் என்னென்ன உடல் உபாதைகள் ஏற்படுமோ அவை ஏற்படும்.
மேற்சொன்ன மதிப்பீட்டின் அடிப்படையில் தொழில்சார் மருத்துவம் செயல்படுகிறது.மருத்துவரிடம் சென்றால், நீங்கள் என்ன தொழில் செய்கிறீர்கள் என்று கேட்கப்படுவதற்கான காரணம் பெரும்பாலும் உங்கள் மருத்துவக் கட்டணத்தை நிர்ணயம் செய்ய அல்ல உங்களுக்கு மருத்துவ உதவி செய்வதற்காகவே.
இயன்முறை மருத்துவர் ந.கிருஷ்ணவேணி
|